آسف على الإزعاج هههههه

آسف أنا في جيتي لك تسرعت.......ظنيت ألاقي فيك شيٍ فقدته
كنت أحسبك مجروح مثلي تولعت......جربت فرقى شخص قلبك وهبته
كنت أحسبك من مر جرحك تجرعت....حبيت فيك إحساس طفلٍ لمحته
لوقلت آآآه بوسط روحي توجعت.......ولو شفت دمعاتك شعوري سكبته
ولو تطلب عيوني ابد ما تمنعت.......وأعطيك قلبي لو بعد ما طلبته
وصلت بك... أعلى مكان وتربعت.......وفي قلب غيري ياالغضي ما وصلته
واصبر على صدك وأشوفك تدلعت.......وأعطيك ود وما أظنك حسبته
أذهلتني بطباعك اللي ...تطبعت.......حتى قصيدي فيك ابد ما فهمته
لو كان غاياتك حروفي فانا بعت.......وافرح بجرح الشاعر إلي جرحته
وأرجوك من صدك تراني تشبعت......خلك مع اللي عاجبك أو عجبته
يكفي قهر في جيتي لك تواضعت.......تركت غيرك لجل عينك وبعته
ياليتني عن حب مثلك..ترفعت.......ياليت قلبي قبل أعرفك دفنته
لكن أبي ابعد دامني بك توهقت.......الله يرحم حبنا اللي ذبحته
أنا شريت الود والحين أنا بعت.......وأنا عطيتك قلبي اللي قهرته
في يوم جيتك أطلبك ود وأقنعت.......نفسي بأنك شخص عادي عرفته
كمل حياتك مثل ما أنا توقعت.......تبقى أسير الماضي إلي فرضته
ولا يحزنك إني جبان وتراجعت.......حولك بدالي ألف شخصٍ عجبت
أما أنا لا يمكن اخضع ولا طعت.......يحرم علي أعطيك قلبٍ خذلته
بارحيك من شوفتي يوم قاطعت.......أسلوبك اللي به تجامل كرهته
غلطان يا المقفي أنا ما تتبعت.......غيري يتابع خطوتي ما تبعته
ما ينحني راسي لو إني تقطعت.......وما هو بنا من لا رميته لقطته
وان كان غرك حكي عذالي وطعت.......الله يعلم كيف قلبي سكنته
اللي ملا قلبك علي وتسمعت.......خله يعوض شخص مثلي خسرته
أنا بما فيه الكفاية تولعت.......واللي بقى من قلب فيني حرقته
وان شفتني صدفة بعينك تطلعت.......ذكرتني بإنسان غالي فقدته
بأول لقا سلمته إحساسي وضعت......غلطت حياتي يوم قلبي سلبته
واستسمحك ف البعد كأني تراجعت.....ما عاد ابلقى فيك شي فقدته
طبعك مثل غيرك وطبعي كما كنت.......أحب شخص ولا تركته...تركته

تقبلوا ارق واعذب تحية :
كااااااامل الأوصااااااااااااف
براء اسكندر

مشكوووووور
بصراحة شعر ولا احلى